لا تذكر ولف........

همسات من الشعر الشعبي العراقي


لا تذكر ولف دگــَّـكْ رسم بالعين
وابد لتگول حَبّك وانت حبيته




مو جالك امس يلهف لهف غرگان
ومن چلب بايدك ليش هديته..؟؟



نزع جلد الجفه.. ورد لِبَسْ جلد الشوگ
وجاك بماي وجهه وانت بديته




ورجع والراس محني وجِرَحْ صوته الحيف
وبصمات الدمع بابهام جفيته



تره زحمة الجذع ينسه السعف فوگاه
ولو هو خضار السعف برقيته




واذا انْهان السعف يعني الجذع النهان
لأن هو السعف للجذع بيريته



واعرف لو رحل ما ينسه نجمه الليل
وصيوان الإذن مَيعوف ترچيته




بس انت عفت ولفك الما جافاك
وعله جمر الغدر يتجوه خليته



وهسه تريد گلبي يعود لك ..؟؟ يا حيف
وتكلي الغدر من كلبي چزيته




يعني بهالسهوله تريد تمحي الصار..؟
شتظن يمحي الرمل آثار ماشيته...؟



رد مايك لوجهك كتلك امْن ازْمان
تره طبع الي يغدر هاي تاليته




وامسحني اسم مَرْ ذكرياتك طيف
وما الومك اذا للگبر وديته



وانسه الصار كله واندم اعله الصار
والصار انت منك كله سويته




بس صدكـَ يولفي الچنت احبه بيوم
لو أدري العنب معصور ما جيته


******************** ***************

تحياتي



طائر الشوق
أبوسراج

الله الله الله شعر ولا أروع من كذا ................. تحياتي لك ............. المدير العام